رأي

كاملة أبوذكري تكتب: لماذا تقطعون رزق 2 مليون شخص

كاملة أبوذكري

إلي فاكر إن المسلسل هو نجوم و مخرج و مؤلف 
المسلسل الواحد بيشغل ٣٠٠ بني أدم 
نجارين
سواقين 
نقاشيين
عمال نضافه
رجال إكسسوار 
رجال الإضاءه
فنيين كاميرا 
ماكيرات
كوافيرات
ترزيه
شباب من مساعدين التصوير و الإخراج و الديكور و المونتاج و الإنتاج و الصوت

ستات و رجاله غلابه إلي بنسميهم الكومبارس دول موسم رمضان بالنسبه ليهم رزقهم السنوي لإن إنتاجنا كان فوق الخمسين مسلسل في السنه 
يتنقلوا من مسلسل لمسلسل و وربنا يرزقهم بأكل عيالهم و مصاريف الحياه الصعبه

المسلسلات المصريه صناعه كبيره أكتر من ٢ مليون بني أدم بيأكلوا عيش منها

السنه دي الناس دي كلها حتقعد في البيت تم إيقاف أغلب المسلسلات و الحقيقه ماعنديش معلومة أكيده إيه السبب

إلي عارفاه إن الناس دي كلها مش حتلاقي تأكل و الأسعار زادت و دخلهم توقف

لو حد فاهم ليه بيحصل كده يا ريت يفهمونا و يقولولنا إيه البديل علشان نعيش بعد ما السينما كمان قفلت أبوابها و الأسعار زادت بجنون

حد يفهمنا ليه حتقطعوا رزق ٢ مليون مواطن بيشتغلوا و يدفعوا ضرائب و عايشين من المهنه دي.

اظهر المزيد

مقالات ذات صلة

زر الذهاب إلى الأعلى
Verified by MonsterInsights